اشهر الغطاوي في الكويت

«الغطاوي» أحد فنون الآداب على مستوى جميع الشعوب وتعد جزءا من التراث الشعبي المتداول منذ القدم، وتكتب أو تلقى بالفصحى أو العامية، وبأكثر من طريقة منها النثر أو الشعر أو على هيئة جمل وعبارات ذات معنى غير مباشر. وهي تعتمد في مضمونها على حسن اختيار الألفاظ، والايقاع الابداعي المنظم ذي طابع التشويق والاثارة

تنزيل (1)

 

–         قطو قطو فار قطو لا هو فار ولا هو قطو

( الارنب )

–         شي أبوه من بد وأمه من بد وهو من بد

( البغل )

–         أثنتين في الهو وأربعة على الارض

( الماعز وقرونه )

–         حي شايل ميت اذا مشى الحي صاح الميت

(النعجة والجرس في رقبتها )

–         ميت وفنيت عظامه ينزل الى السوق ويلوح بأكمامه

(فروة الغنم )

–         أسود من الليل أسبق من الخيل الحقوه خمسة وأطرحوه أثنين

(البرغوث )

–         طير طار في الابحار ماله ريش ولا منقار عيونه حبة الكزبرة وريوله مثل المنشار

(الجرادة )

–         شي يمشي وبيته على ظهره

(السلحفاة )

–         أحمر أحمراني ريوله خيزراني

(الديك )

–         تسبق الحصان ولها جنحان وما تطير

( النعامة )

–         شنو اللي يمشي في الصبح على أربع وفي الظهر على أثنين وفي المساء على ثلاثة

( الانسان )

–         شي لك ويستعمله غيرك

( أسم الأنسان )

–         شي إذا مشيت يتبعك وإن تبعته ما تلحقه

( ظل الانسان )

–         من أمي وأبوي لا هو أختي ولا أخوي

( أنا )

–         أم أخوك وأخت خالك وزوجة أبوك

(الام )

–         عمتك أخت أبوك خال ولدها شنو يصير لك

(الاب)

–         قطعة ورا جبل تلتقط كل خبر

(الاذن )

–         شنو الشيئين اللي كل ما قصرتهم طالوا

( الاظافر والشعر )

–         طاسة على طاسة في البحر ركاسة

(الشمس )

–         شي يمر عليك ولا تشوفه

(الهواء)

–         ابيض بضي صنعة ربي يدق سلاحه ويلعب حربي

(الثلج )

–         شنو الشي اللي يأكل كل شي ويموت من الماي

(النار)

–         بنات سعود عمايمهم خضر وثيابهم سود

(باذنجان )

–         أصله من طين ويعشي المساكين

(الفقع )

–         من بره حلاوه ومن داخل حطبة

(البلح )

–         مدينة خضرا انهارها حمرا سكانها عبيد ومفتاحها حديد

( الرقي –البطيخ )

–         أخضر بالبر أسود  بالسوق أحمر بالبيت

(الشاي )

–         أسألك عن حرمة ثيابها حرير وكل عام الناس تزورها

(الكعبة )

–         أبوك في البيت ولحيتة في السكة

(المرزام )

–         شي طويل وذيله في بطنه

( البئر – الجليب )

–         شنهو الشي اللي أن أخذت منه كبر وان عطيته صغر

(الحفره )

–         شنو اللي أذا بغيت تستعمله تحط صبعك في عيونه

(التلفون )

–         طير طار في الابحار لاله ريش ولامنقار

(الرسالة )

–         حديد ويشيلونه أربعة عبيد

(السيارة )

–         أسود ولا هو ليل يمشي ولا هو خيل له جنحان ولا هو طير

(العباءة )

–         يطلع من بطن أمه يحك ظهر أبوه

(الكبريت )

–         خيره في بطنه وشره في ظهره

(القدر)

–         أخضر في السوق أحمر بيد أمك

(الحنة )

–         ستة وأبوهم السابع

(الاسبوع )

–         يحمل أثقل الاحمال ولا يحمل أبره

(البحر )

–         بياضة بياض القطنة وأن سحبناه أنتفخ بطنه

(الشراع )

–         شي اذا بغيت تستعمله تقطه

(باورة السفينة )

–         شي خيره بظهره وشره ببطنه

(التاوة )

–         مغارة ومليان حجارة

(الفم )

–         حي جاب ميت وميت جاب حي

(الدجاجة والبيضة )

–         اذا تليت حزامه تهلهلت عظامه

( الخيمة )

–         يمشي على رأسه وينطق بلا لسان

(القلم )

–         بنتنا بزة بالقاع مرتزة تفصخ الثوب الاحمر وتلبس الجزة

( البصل)

–         رمانتي شقفتها لقفتها فيها سحر فيها بحر فيها عيون تبتحر

( المنظرة )

–         أبيض رفوف يشرب شرب الخروف لا له صوف غزل ولا له صوف

(المشخول)

–         أحمر أحمراني ريوله خيزراني يذكر الله ولا يصوم رمضان

(الديك)

–         طق الباب وفتحت له غمزلي وأنسدحت له دخل فيني وأرتحت له طلع مني ما مليته

( النوم )

–         ثلاث وزات ملتزات واحدة طارت وواحدة غارت وواحدة كلت الدنيا وما فيها

( الدخان والرماد والنار )

–         جملنا بالارض بارك وذيله بالسما يعارك

( النار )

–         حيوان مالو راس يمشي ويتنفس يأكل ويشوف

( القبقب )

–         شي اذا بغيت تستعمله ذبحته واذا ذبحته بكيت عليه

( البصل )

–         شئ غالي صعب المنال تلقاه في البحر لونه يلالي

( اللؤلؤ )

–         شئ عقب العصر ما ينباع

( البرتقال )

–         شئ يمشي ويطم أثره

( الأبرة )

–         شئ أوله نور وأخره نور

( الأسلام )

–         إذا طاح فوشح

( المقص )

–         أسود سكن قلعة من سنين ياله الأبيض وطرده

(شيب الرأس )

–         شئ فوقه نار وتحته ماي

( القدو )

–         يهزك وتهزه

( الرحاة )

–         حارق نفسه ونافع غيره

( الشمعة )

–         بطنك بظهره وصبعك يلعب فيه

( العود )

–         إذا اكلت اوله مت ان اكلت اخره مت ان اكلته كله عشت

(سمسم )

–         بنت الملك لابسة الف تنورة وجالسة في الجورة

( الملفوف )

–         دجاجتنا سودة منقارها ذهب تصيح في اسطنبول تسمعها في حلب

(التلغراف)

تعليق واحد

اترك رد